2014年4月27日 星期日

踩單車遊馬鞍山


復活節假期第三日,同朋友帶著細佬仔去左馬鞍山踩單車。
去左大水坑的單車公園租車,50元/輛,可以玩全日,都幾抵玩。


租完車,沿著海濱的單車路出發囉!

馬鞍山既單車路,一路都係海景,沿途風光唔錯,
而且附近還有小朋友玩既設施,又有跑步徑,
即使唔租車,沿著海邊行,都係一種享受!




踩車途中,可將單車停靠一邊,欣賞下周圍的風景。

沿途仲見到好多環保設計。

估唔估到呢個係咩?

答案係度!

沿著單車路一路踩,去到一個碼頭。

是日天氣陰霾,但好多人一家大細都出來沙灘遊玩。

之前係電視上得知呢個沙灘有個老人家,
每天都在此用沙石整個心型,今天終於親眼見到啦!


呢度成為左馬鞍山一個景點!

離開沙灘,沿路返回。
之前經過馬鞍山公園時應承左隨去既小朋友,
返出來時會俾佢地去玩下,所以將單車擺放一邊,
就入去玩下啦!
(注:公園內係唔俾踩單車的,所以只可以推入去)

馬鞍山公園好大,放假係附近居民既好去處。

這裡有大草地,可供人休息,玩耍。

這裡更是小朋友的樂園,有很多遊樂設施供小朋友玩。




係度,仲係賞花既好地方!



公園內見到黃花風鈴木。

住係附近既居民有福了,天天可在家窗外望到美景!


白嬋花


小鳥在樹上歡唱!

呢一日,最意想唔到既係,竟然係度見到櫻花!



就在單車徑路邊,見到有幾棵晚櫻在開花!

雖然唔係好多花,但可在香港見到,真係好開心!

呢種係複瓣既晚櫻,舊年去武漢時第一次見到。




真係好開心!估唔到香港都有晚櫻!

呢一日真係玩得好開心,又欣賞左石砌既心心,
又欣賞左美麗既晚櫻,下次等天氣好會再過來踩單車!