籮箕灣'桿''釣&食魚宴

復活節第二日假期,去左大嶼山籮箕灣釣魚。

去到東涌巴士站,哇,好多人,等車都等左40分鐘先上到車。

(PS:有兩架車可以去到,一架11號,一架23號,

11號平D,所以多數等呢架)



坐左20分鐘左右,到左水口村村公所落車,
沿著呢個牌走去。



是日天氣炎熱,去既時間又係中午,真係好曬!

下車後在橋這邊左轉,走去籮箕灣。

要走一段山路先可以去到。

這個就是籮箕灣了。

去到此處已是下午的2點多鐘,
因為比較偏僻,所以來既人唔係好多。

一望無際既海,有無魚釣哩?

去到搵地方釣魚,唔係沙灘上釣,
而係走去石頭搵地方垂釣。

行嗰時有時要手腳并用,
唉,都唔明D男人,釣魚啫,點解要甘辛苦,仲要冒著危險!!!

幾經辛苦,行到好出岸邊,放桿垂釣。

天氣好熱,真係好佩服中意釣魚既人,
可以冒著太陽,企幾個鐘,就係甘乾曬!

姜太公釣魚,願者上鈎,
甘大個海,而且係甘靚既海水,
釣左一兩個鐘一條魚毛仔都釣唔到!

不停既換位,始終都係得個''桔''!
真係桿(乾)釣!

我呢,就搵個陰涼既地方,食下野,睇下風景,訓下覺!
睇下,呢個石頭似唔似張櫈?

呢個係營地,假期好多人來露營。

呢個石頭,像唔似隻鴨仔?

釣左三鐘,連魚毛仔都釣唔到,
在太陽底下暴曬左三個半鐘,走人!
我地釣魚嗰時,見到前面岸有兩個後生仔都在釣魚,
唔知佢地有無釣到哩?




呢一日我地釣唔到魚,但一樣有魚食,點解?
因為有朋友俾錢坐船出海釣大魚!
(多謝朋友提供既相,因為肖像權問題,
只好打格仔俾大家欣賞)

 

可惜呢次釣到既唔係大石斑,而係鱸魚。
一條都有十幾斤重!





朋友將一條十幾斤重既鱸魚,拎去長沙灣嘉豪酒家整,
是晚係酒樓度食魚宴。
一魚整四味,第一味係酸甜魚尾,
你估下魚尾有幾長?
有一個成年人既手臂既長!

第二味係薑蔥魚骨腩,
呢一味最受歡迎!好惹味!

第三味係豉汁頭腩。

第三味就係芹菜炒魚腩。

此酒樓好多時幫客人加工釣返來既魚,
甘岩呢一日爛釣同盟都係度將釣返來既石斑
攞來加工,所以好幸運既佢地請我地食左粟米斑塊。
哈哈,第一次食新鮮石斑整既粟米斑塊,
呢一日釣唔到魚一樣都食魚飽!