2014年4月23日 星期三

2014廈門灣下水禮

復活節四日假期,無出去玩留港消費。
係香港其實都有好多好地方去玩,
比如出海坐游船,或者去沙灘。
假期的第一日,我地就去左西貢碼頭,
坐船去廈門灣游水!

有艘船好醒眼,插滿左顏色好鮮艷既旗仔。



用左40蚊買左往返既飛,坐既就係呢D小船。

出發囉!
是日天氣晴朗,氣溫高達28度左右,
海面上好熱鬧,船來船往。


睇來端午節就要到,有人係海面上鍊習扒龍舟。
 

仲有人扒艇仔。

我地坐既船首先會去橋咀島放D人落來,
然後再駛去廈門灣。
呢個係橋咀島既游灘,通常無咩人游水,
可能因為嗰度既沙好多石頭。

遠遠望到好多人都走去橋咀島,
呢度有個特色,就係水退先可以從碼頭行去對面既島。
今日水退好多,但在水漲之前要行返碼頭,
如果唔係,就要濕鞋了!


天氣好,又係公眾假期,所以好多人出來玩!

就係行去呢個小島,島上係地質公園。

上左島行去後面,如水退仲可以行上呢個燈塔。

十幾分鐘船程,好快來到廈門灣既碼頭。

呢度出名既水清,你睇下,水草都見得好清楚!

上左碼頭,沿著鋪好既小路行去沙灘。


忍唔住再影多張天藍海藍既相。

去到沙灘,換好衫褲,落沙灘玩啦!


因為我唔識游水,所以租左沙灘遮,
坐係傘下睇風景!

天氣雖熱,但其實水仲未暖,
落水都仲有D凍添!
但好多人都唔怕,玩得仲好開心!
比如呢兩個女仔,就係度玩自拍!
小朋友當然落水玩啦!
朋友既女仔唔怕凍,落水玩水。

而另一個男仔就唔敢落水,
係度撿石頭返來玩得都好開心!

係呢個島上,如果唔游水仲可以做咩哩?
係沙灘後面有燒烤場,好多人自己帶野來燒烤。

而且好多人都來島上露營。
甘岩甘巧,見到有位BLOG都出來篇日志寫廈門灣,
唔知呢個係咪就係佢地搭既帳篷哩?



玩到5點幾鐘,要換衫沖涼走人囉!
因為最尾班船係6點鐘過來接人走,
如果唔走,就要係島上露營囉!


換好衫,行去碼頭。

此時係5點半鐘,遠遠見到一艘,但追唔到。

5點45分,上左船返西貢碼頭,太陽開始要落山。

黃昏時候既海上,好靚!