廣州遊@北京路&小蠻腰

前言:

Google成日神神地,朋友們既回應成日都唔見左,

有d氣餒,但又唔想放棄呢度!

因為以前係yahoo寫blog,識到一班網友,

好開心同大家係度分享交流,

所以希望Google快d搞好回應既問題啦!

**************************************************

話說睇完花海,離開海珠湖時已傍晚,

於是問左當地人,最近的夜市係邊,有得行有得食,

當地人話可以去北京路行下食下野。

好方便,公園門口唔遠已有地鐵,幾個站就可去到。

上網搵左d資料俾大家睇:    北京路步行街地處廣州市中心，

是廣州有史以來最繁華的商業中心區。

步行街北起中山五路，南至惠福路，全長 440 米，沿街有 

100 多個商鋪，10 多座商場包括新大新公司、廣州百貨大

廈、太白商場等，以售賣服裝、百貨、鞋履、珠寶、餐飲為

主，還設有電影院等娛樂設施，吸引大量人潮，北京路步行

街日均人流量約為 35 萬人次。

  

在購物的同時，亦可以遊覽步行街多個歷史古跡─秦代造船

工場遺址、南越國御苑遺址、

西漢水閘遺址、千年古道遺址、千年古樓遺址和大佛寺等。

北京路步行街集廣州的購物、飲食、文化、潮流於一體，是

旅客必到之地。」

因為之前行左公園,好攰,

所以好想搵野食,對古蹟無咩興趣,只當到此一遊!

講出來好好笑,我地知道呢度應該好多野食,

我地想搵d地道野,但搵來搵去,都搵唔到,

而見到果d,香港都有得食,又唔係好想食,

以為可能春節,好多人返左鄉下過年,無左食街,

因為我地去到果條街好靜,

所以最後係一間食雞飯的餐廳求其填左肚。

當時連食既野都唔敢影相,驚話左俾人,

來左廣州無野食,會被人笑死!

食完野,行返轉頭,行去另一邊,好後悔甘快食左野,

原來我地搞錯方向,食街係另一邊!

 真係成條街都係食既野!好好好後悔!

最後都係忍唔住,坐低食左一條魚同一碟菜,

果個菜心真係好好味!

魚嘛,辣到飛起,唔敢食多!

下次有機會,再去廣州,我地知地方啦!

第二日中午,見下朋友傾下事,去左呢間叫炳勝既地方食野,

據聞都好出名的食肆。

朋友叫既餸,味道都唔錯!

食完野傾完事,去左附近既廣場行下。

廣州有花市之稱,不枉此名!

 附近有個亞運會體育館,以前亞運會係度開幕。

 廣州既標誌建築物:小蠻腰。

行到邊都見到佢,於是,從多角度欣賞下小蠻腰。

呢位先生既舉動..............哈哈.

陸上看

江上看

邊個話佢高?一指已''摸''到啦!呵呵!

甘睇.......有腰痛既感覺!哈哈!

之前坐船過左對面岸,附近有個好短既小電車,好多人排隊。

呢個係地鐵站望上影。

猴年嘛,少不了悟空,用花整既,似唔似?

前一晚返酒店係街上影既小蠻腰。

最後一餐求其去左一家蘭州食店食野,

好中意食果個薄餅。

最後坐返地鐵去火車站,結束第一次廣州自由行。

有地鐵真係好方便,去便都唔怕囉!